من ظلم رح للقاهره وام درمان=الغرب مالك به غرض وش تبابه
ووين ابو بندر كان ربك ولاكان=لابارك المعبود بامرٍ غدابه
حتى الرديف اللي له عيون ولسان=ما صاب الاصل من التخاليف صابه
وللشيخ ابو عامر اسبوعين ما بان=ولا اوحيت لبو سيف بالسجن جابه

جت قبل نرفع لك كبار الهلاوي=هالجميله دايم علومك جميله
ونحمد الله يوم رد إلنا العطاوي=مرحبا مالاح برقٍ في مخيله
كل زول بكيفه وما كان ناوي= ومثل ماقال المثل قلبه دليله
من يحاول يحكر السيل النحاوي=ما درا انه ما يجنب عن مسيله
قل يوفر قوته ماهوب قاوي=لو نهاره يشبكه باطراف ليله
ظرف ودك تكتشف وش كان حاوي=مانت عارف لاكثير ولا قليله
والرقا ما فادت بجني مخاوي=والمطوع ماترك ولا وسيله
ذا جوابي انت تدري بالهواوي=لاتزيدونه على الرمضا مليله

قالو من اللي بالسجن قلت خيال=ولاقط شاف المهره الا بصوره
مريت واسمع صوته يشيل موال=مطنوخ بس الله يزين اوموره
اكيد تطري له طواري على البال=وبه ضيقةٍ بين الضلوع محشوره
مشاعره فيها من البارح اجفال=وصبره على من فارقه جاز طوره
غوجه ترثع به مساء واشهب اللال=ماهمته سهل الطرق والوعوره