بغيت انا يالخال بالقاف اجاريك=فزعة بناخي ضاق مابه كنيا
جزعت لك من شين ما بان لي فيك=يوم الامل في صاحبك ما تهيا
وصغرت بعد كبرت بالاول هقاويك=ودققت في تال القوافي مليا
ما ادري بمن تغليه هوقبل يغليك= والا ترثع بك ذلولك كذيا
والا عنه حادي من الناس حاديك=والا قبوله من تغليه سيا
ان كانها الاولى فلاهوب خافيك=يمكن يبي يفحصكم الصادق أيا
واللي بعدها خذ نصيحة بناخيك=جاز المقفي ياحمد بالقفيا
والثالثه صح لي بصوتي وانا اجيك=بثبيت وبمزحم وخيل المحيا
والرابعه صبرك عسى الرب يهديك=الحب ماله ذوق من دون كيا

ماهو غريب الطيب من شاعرة نجد=كريمة اصل ومنسب وعاصفيه
ليا نوت تبجد صفوف العدا بجد=فزعة شجاع اراد ينقذ خويه
ما حسبت لابطال في عالية نجد=ولافكرت بالشبله الراعديه
في معترك سجن الرواسي لنا مجد=لخيالنا رعاد يوحش دويه
ماعنه يذري لامهايط ولا يجد=صياح ابو فيصل لحضرة خويه
ذولا نصبحهم وذا نهجده هجد=لين انهزم راس العرب في شويه
رحيل خلوها بمفلا هل النجد=لكن عزوم البنت ياهي قويه