ما ادري لكن بخاطري جا (كركبه)=حتى الحمام اليوم في صمت وكئيب
مثل المسافر لاتعطل مركبه=في مهمهٍ ما فيه للموتر طبيب
لكن ابا اسوي عقالي واسكبه=عسى المؤمل في(........)مايخيب
والضيق لامنه نكبني بانكبه=واطنشه من دون شك ودون ريب
وابرك بعير الامل ثم اركبه=وافتل شنب ويسند شعيل الشعيب

يالهجس قلي وين ابو سيف عنا=شهر وليال وزول ابو سيف ما شيف
من طبعنا نشفق على القرم حنا=خطو النشاما اللي مثل شروى ابو سيف
ونخيطها منا وتنشق منا=ياعونة الله حظنا هالسنه كيف؟
قل له يراودنا متى ما تسنا=ويرمي علينا من وروده تناتيف
يمكن لها يرتاح قلب المعنا=اللي لمسه من الجفا مخلب الحيف
بميدان وواجدي غزا مع مهنا=ودوى على وجهه وعادوا مناكيف

بالسجن والليله دفا ودي اغني=و اوسع الخاطر بقافي عن الضيقه
يالورق ابا اسمع ونتك واستمع مني=كل المشاعر لك مشاويش وامفيقه
يالراعبيه بالغلا ما صدق ظني=وانا الجفا من ناعم العود ما اطيقه
يالراعبيه من عقب روحته كني=شخصٍ تفاجا في تصلب معاليقه
تلومني هنه وبي يشتمت هني=لعل من به لامني يشرق بريقه