امسينا واشوف ان السما به طخاف وغيم=رب انها استغاثت واستجاب استغاثتها
سامع دعوة الداعي وممسك بروح النيم=ويحييه بعد الموت في حين عودتها
عشر من صفر مع مثلها من ربيع بديم=وسحابٍ يجود بماه والارض ينحتها
اول ذكر لعسوس المطر فوق ديرة ريم=من حليت واجنب لطولتها ودارتها
ومن النير لين اتساوق عسوسه القصيم=ومزرعتي كما عين الحمامه وودنتها
ويعم الحيا كل الجزيره بلا تقسيم=كل ابلٍ تساقيها السحايب بديرتها

امن اول كما تدريج ضلَّع ندرجهم=وانا اشوف صاب الضلَّع من امس حسوالي
اظن المدمر والرعد ما يخارجهم=تسوق بسوق العاصفه كل شي غالي
وربعي فبحر اشغال تاهت بوارجهم=لولا هالربايع ضعت انا بالخلا الخالي
اهل ودي اغروني بكثرة تغنجهم=لين اصبحت اغوص بغبة الحب ما ابالي
وعلى طايرات الوصل سدت مدارجهم=وبقيت بمتاهات الهجر ضايع لحالي
اشكي من بقايا جروح ما احدٍ يعالجهم=ودقات قلبٍ ترجف وضغطها عالي