الا يالحمامه دام لك هالمسا عندي حضور=عليِّ ارفقي كفي نواحك ليا جيتي على
عسيب الغريس اللي موالي ترا دمي يفور=اما خفضي ضغطه بعذب الغنا والا فلا
حطيني بجوٍ يفتح النفس ويغذ الشعور= بطعم المحبه دام به عرق ينبض بالغلا
انا يابنية دوحنا والكلام بشكل شور=هالايام احب التهديه كان لي عندك ولا
فقدته ومن فقده صحيح العدد جابه كسور=ولا مرحبا في غيبة اللي نود ولا هلا
اظلم جونا عقبه وهو كان له من قبل نور=واشوف الشوامت صوتهم عقب ما سافر علا
رغم ما حصل لي منه يالله تكافيه الشرور=وانا داري انه رغم ما صار قلبه ما سلا
لكن الظروف احيان غصبٍ على ابن آدم تجور=وهذي حقيقه مالها منكر بكل الملا

ياخالقي يالمرتجا جل شانك=واللهم اصلي على خير الانام
ومن بعدها ياهجس كرِّب حبالك=والاتحيزم هاجس الشعر باسيام
مادام مستاسع لقولك مجالك=مايلزمك للقاف طرسٍ ولا اقلام
يالشيخ ابو عامر يبونك عيالك=اطلع وابا اكرفس بمنزلك غشام
جابه لنا عقب البطا حظ هالك=وانا اتمنى جيته ذي من العام
كم قلت له هالعود ماله ومالك=لكن تورسلته بقافك هالايام
امرح بزنزانتك ويطيب حالك=وابشر لك بشاي وملافيح وايدام