بعض القصيد ليا ورد ينفي الشك=وتشرح معاني قافيته الرسايل
ينتك خلقي منك يا مسندي تك=تقول عفواً والدعاوي هوايل

ابحذف هموم الضيق والشك والوسواس =واحط القصيده بأسم ربي .. بمداها

عليه اتكّالي والمعونه وكبت الياس=مفرّج صدور الناس من قو بلواها

مضى لي ثلاث شهور افكر وانا محتاس=عن اوضاع بعض الخلق واقول وش جاها

بعد كانت اقرب من عيوني بقو الباس=وانا كنت اقول العمر وش كان لولاها !

قبل كان واحدهم ليا ضاق من هوجاس ؟=اجي له وانا ممنون للروح بدواها !

اجي له بطيبة نفس واقول له لا باس =خويك يمينك فالشدايد .. وتلقاها

قبل كان للخوه معاني وطيب وساس !=وقبل كانت علوم المطاليق منصاها

تلاشت عقول الناس والوقت والاحساس=غزاها النفاق وجابت هروجه اقصاها

لكن حيلتي في وقتنا المرعب الحساس=اعيش انطوائي عز نفسي .. بمداها

وابختم كلامي واقرها فأخر القرطاس=تبي تعرف هجوسي وركّز بمغزاها
تعبنا نداري خطّر الناس واثر الناس ؟=تدور غثى بعض المخاليق لاجاها

ايو الله اقفاء يابو نادر وقفيت=والحزن من عقب الفرح مكتسيني
موادعه عقب اللقاء ماتمنيت=ليته معي ياخوك طول السنيني
بعد اللقاء ومصافح الكف ضميت=صدرٍ حنانه من زمن محتويني
وتلومني لو لأزرق الدمع هليت=شف مابقى ألا عطرها في يميني