عدد ماناح ورق ولاح برق وزمجرن رعود=وماهل الغمام ودارت الايام كالعاده
هلايامرحبا ترحيبةٍ منها يفوح العود=بمن من عرفتي له ما صدق مره بميعاده
في برج القوس حاس الفكر حوس وقال انا باعود=وفي برج الاسد زل الوعد وانحست بزياده
لهمسه بي طرب يفوق من يطرب لصوت العود=يعجبني مثل ما تعجب اهل بيروت مياده
انا في سد نسناسة نسيمك ياهبوب النود=لاتنسين المغربل زوديه بكل ما اراده

انا ياخفير السجن من شوفتك طفشان=عكرت المزاج وحست في كلمتك ذوقي
فراشي طويته واعتبرني طليق الآن=ودوك الكفاله من لدن هجس مطفوقي
ما ادري كم يكفي للكفاله من القيفان=وهل تقتنع في حبس عبدالله الروقي
انا يالخفير ليا طرا داعج الاعيان=الرقه فراشي والتحفت السما فوقي
لحالي بعيطاً دونها تخفق العقبان=بمهيافةٍ فيها انشرح صدر واروقي
ليا شلت موالي يرد الصدى سرحان=عواه ايخفض من شدة الضغط بعروقي
ما ادري كيف انا با اشبهه في غصين البان=وهو ما كسنه سبعة امتار مطروقي

اليوم ابا اسلي الناقد بطرقٍ حلو=وانا بعد دمي محلا ولا اقبل حلاه
ودي ولانيب متحمس وربي يالو=لا/الخوف من شامت المجمول وادرا علاه
لااقول هذا غريمي وان بغيتو سلو=قلبٍ يحاول يغادر موقعه من غلاه
يفز له فزة المقروص لاقال الو=تحيي هشيم العروق الله يحيي نباه
اتبعثر النسمه اشعل مثل ذيل الفلو=وان اسكنت وانتثر غطا شليله قفاه
ياوجد حالي عليهم وجد منهم جلو=خوفٍ على اغلى الظنا لايذبحونه عداه