آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
11-10-2017, 02:23 PM
|
#14617 | |
|
حزب العاصفه
|
كفو كفو يالعاصفي والف حييت=والسجن تو امطر ولاحت بروقه في ساحته من عذب شعرك لياجيت=الظامي الولهان تروى عروقه شاعر علم لاهاض هجسك وغنيت=هيضت من يشكي من البعد شوقه مبدع وياما من معانيك سليت=بقافٍ محب الشعر يجتاز ذوقه حمام ياللي كل مـ .اصبحت جريت=صوتك على الشباك لاجيت فوقه لاتحسب اني مثلك البارح امسيت=ليلي سهر لـ .الصبح وانطر شروقه |
|
سبحانك اللهم وبحمدك
أشهد الا اله الا أنت,أستغفرك واتوب اليك 
|
|
11-10-2017, 02:30 PM
|
#14618 | |
  
|
شاعرتنا صح لسانك وأسعد الله مساءك
دام حضورك غلاي |
|
|
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !!
|
|
11-10-2017, 03:14 PM
|
#14620 | |
|
السلام عليكم .. والمعذرة يا جماعة التقصير حاصل وصحت السنتكم .. والله ما ينلحق مداكم ماشاء الله ^^ ابو عبيد عساك طيب .. كان بغيت أسويها لك مفاجأة وأطب عليك عصرية في ضرية .. لكن ما تمت .. كنت مسافر ع الشرقية وبغيتها برية لكن ما تسنعت الظروف وأخذناها تحليقة جوية من جدة للدمام .. وأنا أظن أننا عبرنا من فوق أجوائكم مرتين حسب السير في قوقل إرث ، ونويت أقول للكابتن نزلني هنا.. لكن خفت يقولوا هذا ( هاي جكر) مختطف وهونت .. ع العموم نراكم على خير .. والعشاء والم ماشاء الله من الأخوات الكرا م .. بالهناء والصحة . ^^
مجاراة على مجاراة بعد التحليقة ...... __ القاف في حضرة جنابك تدلى = كنه عناقيدٍ تدلت من غْصون والقافية من صنع كفٍ محلا = حليَة ذهب في كفة إبداع موزون والواجهة للقاف بدرٍ تجلى= (والشعراء في كل وادٍ يهيمون) وكلٍ على ليلاه بالصوت شلا = يا ليل دانه والهواجس يدنون تعزف لحونٍ من لحون المكلا =وتسمع بنات الفكر دايم يغنون واللي يغني للقمر حين طلا = كن المغني ناب عن كل مفتون وهذا الهواوى ما ترك شيئ وخلا = جارى، ومن جاراه ما يقرِب البون ويا بخت من ختّم شعوره وصلى = على النبي عداد منهم يصلون ^^ ودمتم سالمين بالصلاة ع النبي |
|
|
|
|
11-10-2017, 03:36 PM
|
#14621 | |
  حزب الرعد
|
اللهم صلّ وسلّم وبآرك على ى نبينا محمد
وما شاء الله على الابداع والجزاله شعراء وشاعرات ومتذوقين ويعطيكم العااافيه جميعاااا وهلا بك عبد الله الدنيش وآخر الغيبات وصح لسانك ودام وجودكم وحضوركم وابداعكم جميعااا ومنوور السجن شاعرنا القدير وابشر بالتسالي الملطوشه والحصريه هههههه |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
11-10-2017, 06:56 PM
|
#14622 | |
حزب العاصفه
|
اهلا يالملكه والجوهره ولا اخلا ولا اعدم هالزيارات التي كسرت وحشة الوحده
اهلا يابو عامر يقولون بالامثال المنتوي يقطع المستوي والمستوي ارض صحراويه بين الوشم والقصيم كانت صعبه قبل كثرة البشر والبلدان والمزارع وصح لسانك ولاهنت اهلا بشاعرتنا وصح لسانك ولا فض فوك جاد جودك شاعرتنا ويحرسك المعيذ=به تفنن حانذه واشهد انه سنعه
مادريت ان الحشو لحمها مشوي لذيذ=لين ذقته في صياني بورد مقنعه طشت من نكهة بهاره تقل شارب نبيذ= يامرقع/صدر هالبيت تكفى رقعه |
|
|
|
11-10-2017, 09:43 PM
|
#14623 | |
حزب الرعد
|
هلا ياعهد النور نورك يالقرمة
الجوهرة لاهنتي على النقل الله يرحم والدتك ويرحم أخوك وجعل مثواهم بجنات النعيم ومن يقرأ هكذا الدنيا نزولٍ وارتحال! صح بدنك يالمهرة ولاهنتي على التسالي! المبدعة ريم صح لسانك يارائعة على المجاريات والطرح الرائع حنّا نشرنا العلم و العلم تنوير للعقل و يدل الدروب السليمه إي بالله العلم نور! صح بدنك يابو بندر وصح لسانك على المجاراة المميزة والإبداع! العواد صح بدنك وصح لسانك وأبقاك المولى! أبو عبيد صح لسانك أبدعت يالعود كالعادة! الدنيش عليكم السلام وصح بدنك وصح لسانك وإي بالله أفلح من صلى على النبي عليه الصلاة والسلام سلطان يوعدنا بمشاركة الليلة والظاهر صادق اللي يقولون ماوراء بيشة عيشه! |
|
|
|
|
11-10-2017, 10:13 PM
|
#14624 | |
|
حزب العاصفه
|
اقتباس:
المشاركة الأصلية كتبت بواسطة عبدالله الدّنّيش
السلام عليكم .. والمعذرة يا جماعة التقصير حاصل وصحت السنتكم .. والله ما ينلحق مداكم ماشاء الله ^^ ابو عبيد عساك طيب .. كان بغيت أسويها لك مفاجأة وأطب عليك عصرية في ضرية .. لكن ما تمت .. كنت مسافر ع الشرقية وبغيتها برية لكن ما تسنعت الظروف وأخذناها تحليقة جوية من جدة للدمام .. وأنا أظن أننا عبرنا من فوق أجوائكم مرتين حسب السير في قوقل إرث ، ونويت أقول للكابتن نزلني هنا.. لكن خفت يقولوا هذا ( هاي جكر) مختطف وهونت .. ع العموم نراكم على خير .. والعشاء والم ماشاء الله من الأخوات الكرا م .. بالهناء والصحة . ^^ مجاراة على مجاراة بعد التحليقة ...... __ القاف في حضرة جنابك تدلى = كنه عناقيدٍ تدلت من غْصون والقافية من صنع كفٍ محلا = حليَة ذهب في كفة إبداع موزون والواجهة للقاف بدرٍ تجلى= (والشعراء في كل وادٍ يهيمون) وكلٍ على ليلاه بالصوت شلا = يا ليل دانه والهواجس يدنون تعزف لحونٍ من لحون المكلا =وتسمع بنات الفكر دايم يغنون واللي يغني للقمر حين طلا = كن المغني ناب عن كل مفتون وهذا الهواوى ما ترك شيئ وخلا = جارى، ومن جاراه ما يقرِب البون ويا بخت من ختّم شعوره وصلى = على النبي عداد منهم يصلون ^^ ودمتم سالمين بالصلاة ع النبي عليكم السلام ورحمة الله
واللهم صل عليه وعلى آله وصحبه وسلم (والشعراء في كل وادٍ يهيمون) مجاراة فاخره صح لسانك شاعرنا وتسلم وتدوم طبع العاصفيين الحضور والابدااع بطل غياب طال عمرك  تقديري,’’ |
|
|
|
|
«
الموضوع السابق
|
الموضوع التالي
»
العرض العادي
|
|
