اشجى هجوسي قاف شعر وتعلا=يالتني منشد واسوي له لحون
سجينكم ياشاعرة نجد ولا=وانا تراني في محله وممنون
وابي التسالي ظهر والاكل هلا=فطور ناسٍ هاااي يحوي كذا لون
ياريم ولا الشر والخير حلا=خبال عودك بالتماثيل مفتون
ليا ادكر وبل القصيد استهلا=قريحته طفقه وله هجس مجنون
يانور وش تبغين لاوالله الا=بالهون بهجومك على العود بلهون
لا والف لا ومع ثلاثين كلا=ما ابوح باللي بين الاضلاع مكنون
لاتبحثين القلب دمعه يهلا=بعض الحكي يانوريحيي بي شجون
وللراسيات عقود وردٍ وفُلا=ولكل الرواسي شط مفرود بصحون

سجنت نفسي وانا اللي من 3 عقود مسجون=اكيد حبسه 3 ايام ما ظني يضيره
شعارنا مع شواعرنا اذا تقوون تفتون=ودي تفيدونني عن مشكله عندي خطيره
شاشة خيالي صحيت اونمت تعرض رمش وعيون=وليلة جفوني بحامي قيضها دايم مطيره
وزولٍ لي ايكيل تعذيبه وانا راضي وممنون=واقول له زد بتنكيلك غدي بالامر خيره
لازاد شيٍ على حده قلب ضده يقولون=وان كان ما جاء على ظني فتعذيبه بريره
وتراي فيوجيهكم عن كلمة مهذري ومجنون=وان كان لابد مقيوله فخلوها الاخيره

صمتٍ مخيم علاما ياجماعه ما تحاكون=فرص متاحه قبل يفرض على الكلمه ضريبه
عفيه على هاجسي وقت الطلب حاضر ودندون==لكن خابف توديني عجلته في مصيبه
الناس عاده تصيب بفهمها واحيان يخطون=تسج الافهام لوهي في ذوي عقولٍ لبيبه
وشلون ابين مقاصد خاطري لاقلت وشلون=ما اظن اجمع شتات الفكر لو اركب نجيبه
وانا اعرف ان للحورنيات نقاد ايتزرون=لكن بفم كل متزري بها كسرة صريبه