ياهجوس الشعر وجهك بدا الليله وسيم=والمدمر وجهه وخاطره منك التوى
انخنق قافه بعد تكو حليقه بسيم=مادرا ان الذيب ذيب ان عوى او ماعوى
واللعن يامسندي منهج ابليس الرجيم=والحماقه مالها يامعزبنا دوى
وعاصفتنا يابو بندر وانا اخبرك فهيم=عن مدمركم كما طويق عن ساق الجوى
كل عضو لقمة الشعر مرتاد ونديم=قافهم زائير اسد وانتم غناكم موى
لاتعد نذور سيلك ترا قافيه ديم=بجنة الفردوس ابويك مثواهم سوى

الله على اللي كلما تلمسه فز=برليني اسود كل لمسه بفزه
يطلق عليه من القدم مركب العز=وغيره من المركوب مابه معزه
ابيه لاشبت كما لاهب القز=بالجوف من شوقه اليك ابو رزه
ادق سلفه بالمسا واتعنز=على الذي نرجيه في كل حزه
لدار من يجْمُل على جسمه البز=بطرقة وصل ماهيب روحة تنزه
ياعين مثلوثٍ على الوكر مرتز=لافرعوه وشاف بالعين وزه
وياجيد خشفٍ مستذير ايتفزز=زول ورا الغرمول بالعين خزه
اقرب منه ويكزني بالرجا كز=وليا تركته لي نديبه يكزه
حلو اللمى تهزني همسته هز=وقلبي طيوفه كل ليله تهزه
يلزني حر اشتياقي لها لز=ويتوق قلبي له وبالصبر الزه