قدامها المسك والعنبر مع الندي=ياداعي الشعر صيح لملهمي ناده
قله ابا اخذ معه حرفين واودي=اتهم ليا اتهم واسند معه بانجاده
ماني مقيمٍ هنا مريت ومعدي=واوحشني الجو كله صمت واجلاده
وقمت اتونس بقيفانٍ على قدي=بلبنى وليلي وميوره ومياده
ذياك ذياك بس مبيحٍ سدي=براي اهل مصر ابا اشرب قهوته ساده
آصل حدود اليمن والشام واردي=مابين ياس ورجا من كثرة اوعاده

داعبي يانسمة النود الجريد اللين=مثل مادعبك في مسراك شعرٍ ناعم
كل شيٍ دون فرقا اللي يفله هين=ياعسى يبقى لوصله عن صدوده داعم
كنه بشلفا بامان الله لي متحين=مايزال لنار طعنتها بصدري شاعم
نقص وزني عقب ماقفى العشيه بين=ماتقول اني بهالانعام شارب طاعم

سلام ياللي داخل الحبس ملمس=وليا احتشت شاحت علينا القوافي
العام للحزب الهزيل امتحمس=من مر منهم قال هذا سنافي
واليوم مجلد مثل من خالطه مس=له بان شقٍ ما يرافيه رافي
عقب الحشو وده بفولٍ مدمس=ما يحتمل ضيقه ومافيه كافي
والله ما الومه من ربوعه تعومس=باعضا الحزب مابان له شخص وافي
تعال معنا كان ودك تنومس=والا احتمل والامر كله عوافي

ارجوك لا تتهمني وانت عارفني=وافي وحضرة جنابك قاطعٍ جافي
ازهم وتضغط اوكي ولا تكلمني=ما ادري وش القصد من هالفعل ياكافي
ان كان ما ذا هو السفهان/ وش يعني=بالله فسر تصرفك انت يالوافي