من غير ربي ماش قوه ولاحول=كلٍ لوجهه ساعة الضيق لاجي
مضغوط من جنبين واللي تبي قول=يمكن تحصل بالسوالف خراجي
من عسعس المعنى ورا بيش منطول=والمسأله ماهيب كشنه وماجي
معقول حولته الى غير معقول=ولي هكذا مردود ماهو مفاجي
اما العسل والورد والتوت واللول=ممزوجهن بالكاس هذا علاجي
وريس مطار اربيل مايشبه الهول=وعذب الروى ماهوب مثل الهماجي
مضى شهر هجسك معطل ومشلول=ويوم انطلق فيني رثع بالاحاجي

سولف يابو بندر على كيف كيفك=وانا بعد لي بالسوالف كذا كيف
ساعة لفيت تنوش العود حيفك=واسمك ماهو في قايم اسما الملاقيف
لكن لاتشهر على العود سيفك=وتزعل صحارينا من السيف للسيف
لو اتغزي بالحزب ريمه رديفك=نارٍ لكن نشوفها شبت بليف

بالعاصمه في شقةٍ مالي جليس ولا ونيس=الا الجهاز وكل علمٍ فات لي يطري عليِّ
وانا على هالوضع متعود ولي مده حبيس=طاري يضحكني وذكرى من هوايلها ازعلي
وليا كتبت القاف باللي ما تقلد في لميس=كفو زراياكم عن المشتاق ربعي ياهلي
خلو هجوسه في مهامه ذكرياتٍ له يحيس=ويوسع بشعره عن المكبوت والمخرج ملي