ياالخيال دور لي مبيعة صبر وعقول=وارسل موقعه بالواتس لو سعرهم غالي
اما العقل ابا اميز به ليا سمعت خبول=ومخزون صبري بعد فقد الغلا خالي
الناقد لو انه ما بدا له هدف وميول=كرفستك وسط سجن الرواسي ولا ابالي
يالخيال انا ابا اكتب ومهما تقول اتقول=قل صح ان عجبك وماشني طيب الفالي
انا يافداك اللاش عن ما اكتبه مسؤول=متعود يصير القاف للترف مرسالي
يجيني ليا جزت ابرقيه جنوب ذهول=ويرتاح للوادي وذاك الجبل بالي
بهن تستعيد الذاكره ما احتوى كم حول=اي والله سنينٍ فيهن المر والحالي