اوحيت الرواعب حين شق الصباح وبان=تسجع باللحون السامريات واشجني
تمايل بها خضر الجرايد وفالي زان=ولو ونت الورقا على الحدب ابا اوني
لكن هل جزا الاحسان الا من الاحسان=لحضرة رحيل الدامريه شكر مني
تعد الصحيح ولا تجامل هنه وفلان=وانا ما انتظر تصويت هنَّه ولا هني
لكن اشهد ان رحيل قرمه وبنت حصان=ذا كان الامل فيها ولا خيبت ظني
وانا يالمغني ماقفي دايماً بيان=فيني عن خفي القول والمنتجع جني
على زنادها ابهامك وعينك على النيشان=لاشفت البدن لك معترض خلها اتدني
انت بواردي بالرمي بيطار للقيفان=وشكرك على الية كبش والهيل والبني

راح الزعيم ونايب الحزب مسجون=للجوهره حين اعلنت بالنكوفه
ذا قولها ولكل يقرا ويوحون=بخطٍ عريض وواضحاتٍ حروفه
ومن قهر امينة سرهم تدمع عيون=وتكتم ولا تبغى تبين الحسوفه
ترا بسما حزب الرعد كاسف(المون)=وشمسه قبل تشرق تبين خسوفه
وعهدي باهل حزب المدمر يونون=اعراض حمى بالضعوف امعروفه