ما اخاف انا الا عالم السر والغيب=استغفره واتوب له والتجي له
امزوح وعلوم وحكايا والاعيب=ولا اشوف فيما اقول ذم وفشيله
معروف ما يلحقني الشك والريب=بيرق نعم لي فوق راس الطويله
وقاف الغزل يروق للهجس ويطيب=له/في وصف ضاف الجديله
هنوف غيدا ست كل الرعابيب=لها حلايا يابو فيصل امهيله
ورغم فلاش الناقد اقووول مانيب=(ماشيد طول العمر اهده بليله)

كل ديره لها عدت طرق=شر وامعبد وسهل ووعر
ودايم اريا البشر فيها فرق=كل واحد وله وجهة نظر

من قز خطك ماتوفق ولا اصاب= على بويت الطين وش كان حاديه
لو بس زحه وقم كيلو عن الباب=لكن ما الومه بالخفا ويش مدريه
يابيت لي من مرتك حزن واعجاب=من جددك عقب التلف تسلم ايديه
لو كنت من حالتك يابيت منصاب=اجيب من شوفتك همي واوديه
عطني خبر عن سيد تلعات الارقاب=الجادل اللي كنها بكرة التيه
كنا وفرقنا الزمن والرجا خاب=وعوى لها بالصدر يابيت عاويه
اثر القراده يابويتي لها اسباب=لو ما يجيها المنقرد كان تاتيه