هلا مرحبا من خافقٍ ماهقيته فاق=خطر ينفجر لولا القوافي يروبعها
لشم الجبال البارده خاطري مشتاق=على نشرة الارصاد عيني اتابعها
طواري يابو عامر لها الفكر راح اشلاق=تبدد وهي متساويه كيف اجمعها
بعضها يبي لضعون من هو يبي ملحاق=وبعضها بشروى مثل حضرتك طالعها
وبي خنبةٍ لا عن مبسم وخد وساق=وعين اجبليه للطلع تو فرعها
فلا انقاد لا عنت لي اروى ولا بانساق=اومورٍ عسى ربك بفضله يسنعها

يانجد جيتي السجن والناس نيمين = من11طلعت واطفيت ليته
يذكر لي الخيال بحدود يبرين=وقرناسهم صفره تعدا البيهيته
وخفيرهم تعبان من يوم الاثنين=وفراجهم من شهر ماذاع صيته
وهاني تلاشا عقب ماجاب بيتين=وارجي عسى هماليل ماهي بميته
وعند ابو بندر كل ساعه بيومين=لا الاهل باهلٍ له ولا البيت بيته
وعبد الله الروقي ما اعرف اختفا وين=ما اوحيت صوت ولا مسطر قريته
وريم الفلا محتارةٍ بين الامرين=تنوي وقالت لاحشا مانويته

لا احد يظن اني مع القاف مبسوط=انا وراه ادور الانبساطه
وانا اعرف اني بالتماثيل مغبوط=واقول للنفس امحق الانغباطه
بسبب خفي مع ناعس الطرف مربوط=سلك البريسم فيِّ جود رباطه
به نطت قيفاني والابداع منوط=مع ضحكته ورضاه والا اعتباطه
نوبٍ يجي قافي من الهجر مجلوط=وبضحه وكلمه يزيل انجلاطه