قولي واقول منور السجن خيال=وخيال اظنه ساريٍ مع خياله
ماهوب ناسي من طراله على بال=ولاغير من يعشق طراله اب/باله
يالجوهره شي بقلب الشقا جال=واحيا مواتٍ قام يمشي وجاله
له به سنينٍ مرمسه ماهي ليال=طول السنه جالس يعدد لياله
اطفال احالتهم لحرمه ورجال=لعيالها تدرا ويدرا عياله
صبغه بجال القلب ما اظن تنزال=استغفر الله/تمحي مع زواله
يالجوهره واللي خلق شمس وهلال=ما غيرت لو خردله من جماله
مجمل عسى ربه يجمل له الحال= وعسى السعاده والمسرات فاله

لاوالله الا غدو المحترم كبش=ومهيله صبابها به بشاشه
دعجٍ عيونه كاسيٍ وجنته رمش=عذب المحيا مضحكه به بهاشه
على الطبيعه ماهوى حاجبه نمش=ولاقط وجهه شيف من عبر شاشه
ماتعرف الخلفه ولاشافت الهرش=ولا دورت حافز من اجل الاعاشه

الرفيق اللي يرافق ما اهقا ينساني= واثر هذا من مزايا الديره الفوقيه
حت لو قصرت انا اعد المقصر هاني=لي وانا اخوه الكبير بوصله احقيه
كلٍ امقصر ولا احدٍ يعتذر للثاني=الحقوق الثابته لابدها ملقيه