اشوف المدمر له ليالي ظهر له روح=وانا كنت اظنه راح والروحه الروحه
وحزب الرعد يزحف وهو مثخنن بجروح=ثنو دونه اللي مالهم عنه مندوحه
وحزب العاصفه يشوحهم بالقوافي شوح=حشرهم ولاباقي خيارات مفتوحه
الا ياهجوس الشعر عن مابصدري بوح=ينفس عن المحشور ماصار من بوحه
انا مستريح ورايق البال قبل ايروح=وبعد راح ما المس عالي الصدر من فوحه

اسكت وخل النرجسيات تبدا بالكلام=وعقِّبْ على منطوق الاعيان بالهمس الحلو
ماتغني اومايتك بالكف عن رد السلام=وعن المشافه راس مع راس ماتغني الو
امن اول اضحك واتمهزا ليا ناح الحمام=واثره يجي لفراق الاحباب في صدرك صلو

اسكت وخل النرجسيات تبدا بالكلام=وعقِّبْ على منطوق الاعيان بالهمس الحلو
ماتغني اومايتك بالكف عن رد السلام=وعن المشافه راس مع راس ماتغني الو
امن اول اضحك واتمهزا ليا ناح الحمام=واثره يجي لفراق الاحباب في صدرك صلو

ياحمد يالعاصفي وش سبب هذا السكوت=قل وانا اسمع منك علمٍ به اتكاد العدا
المدمر فاق من بعد ماقلنا يموت=والرعد به عرق ينبض بعد ذاق الردا
وريم فوت اتقدمه قِدم واترجع بفوت=نوب تبي السيل واحيان تطمح للهدا
ومهره وغزلان ماقصرن لوهن سكوت=مامشى مهر الربايع معاي ولا عدا
وشاعرة نجد العذيه مكملة البخوت=كل حزبٍ له لجالج ليا جات ايهدا
وابو عامر بين صرم العذوق وجني توت=له نصيح ويسمع الصوت ما لبى الندا
وابوبندر مبتلش بين شمسات البشوت=ياعسى سعيه موفق ولا يذهب سدا
وابو فيصل لابصوره ولابيِّن بصوت=مايشارك بالهجيني ولاسمع يحدا
وغايبٍ قرناسنا يوم وزعنا البلوت=وان شرينا صن قال الغبيوي لا بدا
مرحبا ياذات ساقٍ خلاخيله صموت=يوم هجسي لد لك في خطا والا قدا
اشهد انك بين هالغيد نادرت النعوت= ومن يحملني زريه عساهو لك فدا