وين قرناس الحرار الله لنا يجيبه=خوش سجنٍ به سجينٍ له ليالي هارب
علمو حضرة خفيره له يحرك جيبه=يكتفه تراه شري وبدوي ويضارب
فكته فيها مداهن دهن سير وريبه=لكل حارس يامدير السجن نتفة شارب
كل ذا تحصيل حاصل تمرنا فالعيبه=والبحر موجه يلاطم ماغرق به قارب
وغير ماهجسي يهجرس فيه انا ماليبه=لي ليالي في خلا مابه عريبٍ عارب
مع كثير من البشر ماعاد تنفع طيبه=لو اتخلي له دوام الحبل فوق الغارب
التشبث مانفع وانا عجزت اسيبه=كم معه حاولت اسدد بالخُطا واقارب

وافري صدري من الهواجيس فرياه =فري المفجر لاعثى باليهودي
يوم انه ارثع فيه شتت خلاياه =ولا عاد به عضوٍ جلس بالحدودي
على وليفٍ حل جوفي وجافاه=ولاهو وصلني منه غير الجحودي
ماني مصدق كيف سوا سواياه=ولاني مصدق كيف يقوى الصدودي
يومه سمع عاذل ونفذ وصاياه=ياجعل منهو حرضه مايفودي
ياجعل منهو حرضه للمعاناه =والا الاسى اللي كل ماله يزودي
ماله دوا الا انه يعود وينهاه =عن صدته والوصل نبضه يعودي