كنت احسبني يالغلا صامل الجاش=حتى اكتشف قرناس قرقاع قلبي
وبعده دريت انه على بعدكم ماش=صبرٍ يساعدني على شق دربي
وبيني وبين القلب من شانك هواش=طفشان وفوادي لشوفتك طربي
بحر الأسى يصفق من الطاش للطاش=البعد صهيوني وجفواك صربي
يعزالي اترك مصقط الراس وانحاش=لاشك اقول انا بعد ويش ذنبي
لكن تريد الصدق خذها على كاش=االحال عن كثر التقارير تنبي

اقول افكر بامر محتوم واتقول=ذكرت قطع الوصل واقول عوذا
اللي على باله يجي شخص مهبول=اشبهه باللي يعبدون بوذا
من كثر ما اصبر وانتظر طق بي جول=حاذ البطا رمانة الكبد حوذا

ضايق ولانيب شفق وبالسكوت ازيد حرقه=واقوم افضفض لعل الضيق مع ما اقوله ايزول
لاعادت ليوم شوفك ياسمو الزين طرقه=فرحة ليالي عقبها كبت خلق لداير الحول
الابتسامه تجي سرقه ونوم العين سرقه=ومن قال وش فيك ضايق يارجل ما ادري وش اقول
لاجيت ابا اذكر سبب ماصار جا بالحلق شرقه=من وين اوجه عيوني لليماني دايماً حول