سرى ليل الهواوي والهوا عادي ومعنوي=وكلا شقي هوا احساس الهواوي بالهوا ساري
هوا هبت هبوبه له اب/بساق النخل دوي=وهوا نسنس نسيمه في شرايين الفتى داوي
مزاجه كان قبل يذعذع بحب الغلى سوي=وبعد لجت بهجران المشاعر وش بقى قاوي
وقعد ذيب الصدر من حسرته مايقدر ايعوي=وهو قبل الجفا في مبتداها دايم ايعاوي

اضحي وعشي افرش لمسجوننا بالحوش=بوقت الاصيل اتذعذع انسام وتنوشه
مادام ان مزروع السجن بالزهر مفروش=وش يحرم سجين العيد من شم منعوشه
له ايجوز سجنه به يعدي كثير الهوش=يطلق من كلبشاته على طول للكوشه
وانا اللي قصيدي يابو بندر حصيله بوش=مابين الرخامه والوفا ضعت بالطوشه
اخذني قصيد الشاعر اللي نشب بكروش=وزمان المغازي راح مااغارت كروشه

تنتابني بين العشاوين شطحات =وللمعتقل منهن تخيرت شطحه
فكري يلد خلاف دايم لمافات=ليت ابو بندر يجلبه فوق سطحه
ليا عن له طاري هوى البال ما ابات=امر نكد ماعاد لي فيه نطحه

واعزي لقلبي كلما دندن الجوال=له ايفز كنه لخذه يسابق ايديا
انا فيه ذالي كم شهر ما عرفت احتال=اجيب الادله دامغه بس هو عيا
ليا قلت من شوفتك له ماحصل نوال=يمنيك لكن منه لك ما حصل شيا
وتصبرت في رجوا وصاله وصبرك طال=وطرد المقفي تعتبره العرب سيا
تراكا ماكني قلت شي وشلع موال=عاداني وفي من لوعه جابه حميا