اكتب واقول اكتب لمن والناس ماتقرا الكتاب=هذا الكتاب اللي ذهب واللي بقي هو صاحبه
آمالنا فيما نريده شكلها راحت سراب=وكاس الغرام المترع ذباب القطيعه طاحبه
ولاودنا تاصل لحالات التازم واكتيئاب=والحالتين لحالة الفرقا دوام مصاحبه
اللي هذانا عن طرفها حول قوسينن وقاب=وصارت جنوب الصبر من طول التصبر لاحبه
وش ذنب هالاصبع يقرط من تندم به بناب=وش ذنب حلوات الخدود تشاف بكره شاحبه

البارحه بعد ضيق لم بي بين العشاوين=تليت جيبٍ لو اطلق طارته ما اخلف طريقه
يدل دربه ويعرف حارةٍ ودي بها زين=اللون زيتي قديم شوي والسكبات انيقه
سرى وسررى الدريول لين شاف الباب بالعين=عينه مع عيون سواقه على زوله شفيقه
مامن خساره لو ان معزبه قال اقلط اهلين=والنكبه النكبه ان جا الرد سالب من يطيقه