صبحت ياخيال حمر النواظر=بالخير وايامك عساه قٌبَلْ عيد
وراك عجلانٍ على كسر خاطر=يبي لدراس الهواجيس تجديد
لشاشة الجوال دايم يناضر=ونظر عيونه طافحٍ دايم ابعيد

الا يالحمام اللي مع القايله تنوح=اجل ما دريت انك كذا مزعجٍ جارك
لو انك بمافي خاطرك تفصح وتبوح=لجل ادري وش الاسباب لا رحنبو دارك
تنوح لخدينن يسمعك في شمال الدوح=عيونك تشوفه شوف لو لدت ايسارك
لك ما اشوف دمعٍ من على وجنتك مسفوح=اقل النياحه ياعسى عيدك امبارك
عكرت المزاج وزدت شين الجروح جروح=وصرت لمن جرحها داعمٍ صدق ومشارك

حنثت في حلفي ودقيت رقمه=وياليتني وفيت فيمابه اوليت
بالقلب سقم وزود الرد سقمه=بمردوستي من عقب كني تشاويت
من من تبي يسعدك يجيك نقمه=ياليت عندي علم بالغيب ياليت
رحم الوصل سببت بالرد عقمه=انا اشهد انك تو ما اجحفت واخطيت

بحزب الرعد والمدمر خذ بنا روجه=ياهاجس الشعر انا في هالضحى رايق
خل القوافي يصير لعطرها فوجه=الصمت بشيوخهم ما عاد هو لايق
عن الكلام الرقيق ابا اخلف الموجه=وبيني وبين العدا ما اظن به عايق
من يوم عيدت خيل الشعر مسروجه=والفكر لردودهم متحيزم وفايق