ياخفير السجن دور لك حبال من مرس=وشد فيه ايدين هملول وقوايمها جميع
وحط عند الباب حراس وعلى الطوفه حرس=المره ماهي طبيعيه ولا يمكن تطيع
وقفل وقل لابغيتي شي ذا زر الجرس=وصر شديد ولا تحملها بمالا تستطيع

تدري بمجال الحب وش معنى الافلاس ؟؟
شوفك لشخصٍ تحسب انه يشوفك !!

وتدري وش أعظم جرح يوجع من الناس ؟؟
شكواك للي ما يقدّر ظروفك !!

واكبر قهر ياصار بحروفك احساس !!
لــ...انسان ما يفهم معاني حروفك !!


نديم القوافي

بين ابتسام الشفاه وبين دمع العيون=مسافةٍ ضيقه ماهوب ياطولها
ليا تنهدت قالو ياعسى ما تهون=اشفاق والا تهكم شكل مدلولها
وشلون اعرف اتلون حسب ماهم يبون=وآاااهٍ تنبي عن المكنون ما اقولها
الله يبيحك على ما صار ويكون عون=لنفسي بعد حطمت من رفضك لسولها
عمر الغريسه بعلمي عقَّب الاربعون=مدهل خلايا النحل من حلو معسولها
الا الضما يعتريها؟ماهقيته يكون=والصدق مانال نبت الارض بينولها

يامهر ابا اترك لك على متنك رسنك=واخليك واخليك بين خيولها
يمكن يخف شوي عنك اللي شطنك=ويغشنك من هالناشيه هملولها
وحاول تقول نيابةٍ عني وعنك=بعبارةٍ فصحى يجي مشمولها
ان كانها صحه لمقولك وبدنك=لنفسي بنفسي اعرف اقولها