شيخه لكن من رشحك شيخة الغيد=شيخة جميلات التواصيف غاده
العاتي اللي جابت بقلبي العيد=ورغم ماسوت فيه غاية مراده
وهي شيخة اللي يخلفن المواعيد=ولمن لهن سبي اخضر القلب عاده
هيفا عديم جنسها تلعة الجيد=لها عليهن بالجمال الرياده
ولا ادري لو ان الزين في حضرتك زيد=وانك مع الخفرات سكر زياده

قال من هو داخل القضبان بالزنزانه=ياصباح الخير يا احزاب الفلس والدجه
المدمر من مسا يوم امس وين اعيانه=والرعد زلزل وماطرهم عسام وعجه
كان هملول اسجنتني واصبحت نسيانه=عاصفي يابنت ما تصعب عليه الحجه
وينقرا المكتوب بالامثال من عنوانه=اصبح شعار المدمر يالهنوف الهجه
الرعد ماهوب هين بس حظه خانه=عنه ريسهم وناقدهم يجيهم سجه

وراك دايم منكتم يالذيابي=الصمت حكمه بس مذموم لو طال
شايبك في صدره تعاوى الذيابي=وتومي ذباذب فيه من جال لاجال
له من سعادتك التسالي اتجابي=ساهم بها في خلخلة ضيقة البال
البارحه ما ارتاح حضرة جنابي=واصبحت وضعي يشبه امسه ولازال
احصيت خمس مهللاته غيابي=وان سدس غيابه تردن الاحوال
وش ذنب الاصبع يوم اعضه بنابي=ولويش دمع العين ينصب همال