ياخفير السجن ابو فيصل انا طالبك فكه=تو ما فكوه لكن رح لبو بندر وهاته
من وجه مشفق عليه وفي حضور القرم شكه=لو هرج له كلمتين الليله يعاود سكاته
ودور الطفل اللباني لو غلي سعره وذكه=واحكر الدله وفوق الجمر حمِّر له شواته
كلما حاول هجوس الشعر يندب له بنكه=قلت لا تفرح بعرف اسم الحبيب اهل الشماته
يابعد من لي ترا هجرك جدار الصبر دكه=من بعد روحتك نوم الناس جفني ما يباته
الغدير اللي صفا لاتسمح لحاسد يركه=وخط مرسم ودنا الواضح ورا جابه بهاته

ارتح يابو بندر الليله بسجن البديع=الليله الجو مايصلح هبوب وعجاج
وتاتبذل العاصفه لرضاك ما تستطيع=الا ان الاوضاع ما تسمح بذبح النعاج
الحمد لله دام يباع حمل الربيع=ما احد ليا قدموه ايقول هذا دجاج
جبنا لغشام ديك ولاشكر للصنيع=من صيحته صار في روس الحضور ارتجاج

اللي ومر بك للسجن مقديٍ فيك=ريح وريحنا يامال الغنيمه
وابشر لك بكيسة عصيرات مع كيك=ماعاد يمدينا نسوي وليمه
ضيف العشا مجفي ولاهوب خافيك=مقولةٍ منذو عصورٍ قديمه

اقول زلت 5اسابيع عن عام=واتلى سبوع يعادل اعوام خمسه
انا اشهد اني لو تخيبلت ما انلام=مامر يوم وقلت ذا اشوى من امسه
جوالهم مادن من عدة ايام=بالي تكدر والاحاسيس عمسه