ان غبت فاغيابي قليل وله اسباب=ومكان من غابو من الحزب اسده
يفدى ابو بندر كل من سكر الباب=خطو البخيل اللي عقب سلم جده
ان كان معجب بي فانا زايد اعجاب=في حضرته لو كنت ماني بقده
هذا جوابي يوم لي قافها طاب=وصعب على هجسي مجارا مرده
ومادام ماودا ابو فيصل ولاجاب=كوعه على المركا على الكف خده
وبعودة الناقد بذل كل ترحاب=لو قال من بعد الهلا الله يرده
التجربه تعطي عٍبَر لول الالباب=وانا مجرب لي معه صار مده
شعر الغزل لا مرتك طوح الكاب=وخل القوافي قدمها مستعده
مادام لي حول الشهر منه مرتاب=ومحتار بعلومه بمزحه وجده
ابو ثمانن كنها اللول واعذاب=حلو النبا مع زين خده وقده
مافيه شي من التواصيف ينعاب=ولا اذمه الا انه بخيلٍ بمده

يامراحب يابو فيصل أنا أخذت لي جولة بهالإجازة ورجعت،وأبو عبيد يحطمك فقط يقول بعد شهر يجي!😉

هلا يالنجلاء الله يسلمك موجود بس كنت تعبان سابقا وتالي جت الإجازة وسافرت
صج لسانك يابو بندر منور السجن
صح لسانك يابو عبيد،والله لو الود ودي كل يوم أكتب قصيدتين مثلك بس ماش

عيا يطيع الوقت لو قلت ودي=يسبح بي البابور في بحر الأحلام
لكن يجمعنا طريق التحدي=قبل انتفرق مع متاهات الأيام
قمة رواسي نجد فيها نعدي=ونشوف كل أحزابكم تحتنا أقزام
مادام أبو فيصل يمينه بيَدِّي=نبا نخل أخصامنا جلد وعظام
هذا يجيب الحِمِل وآخَر يودي=أوامر السادة وتنفيذ خِدام