مادام كملت سجني في رواسي و السلاطين=اليوم ابا احط ريح المسك في سجني بدالي
ياريح الاذفر خذ افراشك ودش السجن هالحين=يحلو سجن البديع ليا تكرفس فيه غالي
اليوم ياربعنا كونوا بسجن القاف حزبين=حزبٍ بصفي وحزب يجند جنوده قبالي
البارحه يامحمد يوم راح الليل ليلين=عيت عيوني تنام وكل هاجوسٍ طرالي
الله يلحى الجفا والهجر والوسواس والبين=حتي يروق المزاج وينشرح بالوصل بالي

مادام ريح المسك شرَّف بسجن القصيد=نحب نسمع منه بالحبس قصايده
لي رغبه اسمع منه واجاوبه واستفيد=الصمت بالسجن نقصانن بلا فايده
يالمسك فلم الخيال لما مضى يستعيد=همومي اللي تولت عانها عايده
غزاوي الشاعر اللي قال مدح العميد=روعة معانيه لفلفها بجرايده
وعطنا من الشرَّد اللي له هجوسك يصيد=دلة هجوس المغني كنها صايده

ريح الاذفر يالخفير اطلقوا قيده=وكلبشو ريح الشمال بكلبشاته
بس يالنجلا دخيلك من الفيده=قبلها والليل ياخوك ما باته
قلب عودك من زمن صايدٍ صيده=يابسٍ ريقه ونشفانه الهاته
بون شاسع بينه وبين ما اريده=لكن يطري على القلب مشهاته
فيه من رمشه ملامح ومن جيده=ولا تتطابق باقي اوصافه اصفاته