هات الحطب ياسعود وادن المعاميل=وخل النجر من عنك ميلين يوحيه
احكر لنا بريه قنادها هيل=ريحه ليا فاحت قصيرك يناديه
واذبح لنا ياسعود كوما من الحيل=عش السجين وناد منهم حواليه
سجيننا يستاهل الطيب بالحيل=هو يفعله قبل السجن وانت راعيه
يامن لعينن كلما ادلوس الليل=يصيبها رعب وقلق ما تدانيه
تجي عبايرها ليا امست هماليل=لها شهر نوم العرب معذره فيه
لفراق دعج مكحلاتٍ بلا ميل=وقدٍ وخدٍ خالق الناس حاليه
بجفونها لاجت تغمض سماليل=فنون صيفٍ داخل الموق حاشيه

باقي على النومه يجي ربع ساعه=زلة لسان اثرني اقول ما انام
الطرس ياماقد شكى من يراعه=وشارعه ياماقد شكى دوس الاقدام
لفرقاه ياما هزت القلب راعه=وياما اشتكى صدري من الضيق وانضام
وحيد لو اني بوسط الجماعه=لو غاب زوله عن عيوني لو ايام
نباه عذب وفيه لطف وبراعه=بعيوني اجمل غادةٍ تلبس زمام