ياشين لاجيت تقطع لاتوادعني=يتك تحس الوداع شلون تأثيره
ياماخذ الحب قل فيني وسمعني=حب على كبر صعب ابدل بغيره
أبحتفظ فيك وادري مانت نافعني=يمكن مع الوقت اقول محبتك خيره
والله تدري وش اللي معك دافعني=اني معاك انت امارس آخر الغيره
واحب فيك البرود اللي يقاطعني=لو ماتكلمت صمتك صعب تفسيره
ياللي عليك البشر شفها تقاطعني=منين ماوجه الهقوات لك سيره
ياشينها من الخوي قول اتركه طعني=ماغير شره ولا انت بشايفن خيره
ياشينها منك لاجيتك توزعني=في عذرك اللي على هالظرف تجييره
شف كبر صبر البشر ماعاد ياسعني=واكبر هموم العباد اشوفها صغيره
وش جاك مني خطا يومك تبيعني= في سوق ذقها عليك اسوقها جيره
انا اذكر انك الا من قلت دلعني=القلب هانت علشانك مشاويره
يامشغل القلب بين تحبني و يعني=شفني عليك احترق ياسيدي حيره
مرات اقول اتركك لاشك يمنعني=شي يقول أعذره واقبل معاذيره
قلت احتفظ فيك وادري مانت نافعني=يمكن مع الوقت اقول محبتك خيره

ياحسين هالطرق في معناه يوجعني=ويفر الارسال للي فات وايديره
القلب من قبل للماضي ينازعني=والشوق يمخش معاليقه باضافيره
يبثني وجد للغالي ويجمعني=وقاف الغزل لي مجرد نوع تصبيره
دعني يابن وايل افضفض هنا دعني=وان كان ماراق لك قل فضها سيره
وياه رحب الفضا ماكان يوسعني=بصدورنا كل واحد طايرٍ طيره
واليوم ما ا ادري بلاه العيش وش يعني=ثوب الصبر من جزع قطعت ازاريره
ياحسين تكفى يقافك لاتروعني=ذكر المفارق دخيلك شف لنا غيره

انا ليش اتخمع والنظر به طول وانا اشوف=وملكة المنتدا بالمنتدا وجله وهربانه
لكن المسأله عليٍ يالخفرات ما تطوف=ابا اجعلها تراوح بين يادانه ويادانه
ليا اصبحت القريحه واعيه مع هاجسٍ ملقوف=وبنات الفكر موجوده هنا والنفس طربانه
وشايب حزب المدمر عن جميع الخلق مابه نوف=من اليابان ابا استورد كلبشاتي على شانه
بسلسالٍ من اللاماس بيدين الجمل ملفوف=وعيار 24من الذهب تربط بكرعانه
مليِّنا قولته مرحب وانا عندي شغل وظروف=وفكينا الهنوف اللي بوسط السجن بردانه

يا اهل السجن جعلنا ما نفقد النوري=لمجهودها ما يكفي قول مشكوره
لجمال الابداع منها طارت طيوري=تسلم ولعلها بالخير مذكوره
ورحيل تستاهل الريحان والجوري=جميلة القول والاخلاق والصوره