قطعت عن هجسٍ يناغيك الالهام=ومصدر الهامه بس حضرة سموك
ربيعه اللي نبِّته غيثك العام=غصنه بعد ما اينع تحطم بسوك
بدلت ورده من تغليك بثمام=وعكرت في صدتك جوه وجوك
لو اتعرض له عذرك الهزل ماسام=يدهر ولا يرجي هماليل نوك
اصبعك عضه مثل ما عض الابهام=توك تعرف ان الجفا شين توك
وان جا لطيفك في لذيذ الكرى المام=ماهوب فرحٍ به فرح مثل لوك
حفظت له ودٍ معك عاشه اعوام=شعره ليامنه طراله يشوك

جنودنا الشجعان يحمون الحدود=وبامر الله المعبود ينزاح الخطر
ارض الجزيره كلها نمور/ن وسود=من دولة ابن سعود لا دولة قطر
اللي طمع فينا تساوى باللحود=قدام نور الفجر بالطلقه فطر
واللي سلم عذر وخلاها شرود=وفوقه ذخايرها كما وبل المطر