على سجن الرواسي والسجين اللي عوى عاويه=سلامٍ يغمر ركونه ومسجونه وزواره
لو اني عارف ان مرابطي في هالسجن يوذيه=جعلته يوم لي ويوم له زامات دواره
اثر قلب الغليم فيه جرحٍٍ مبطي ومخفيه=سبب سهمٍ سطابه من سهوم رموش نواره
سهى يعاين بخدرها وهي فيهن تعاين فيه=وخدرات العيون بوارديه تطرح الشاره
قريت اللي كتبت وطرن لقلب الشقا ماضيه=انضمن للقرين اللي معه والنفس الاماره
وانا من حين صدري ينشحن لاحل به طاريه =له يلج بحنين وتشتعل في خافقي ناره
انا ما شفت مثله بالبني واللي خلق حاليه=سبيكه من ذهب لو مالبس خلخال واسواره

وين الذيابي ماسمعنا صوته=وانا وهجسي نشتقي لبيوته
مبدع لقافه نغمةٍ رنانه=يشوتها عذب الصدى واتشوته
يطري عليه اللي لعب في قلبه=كنه يرى زوله ويسمع صوته
لياعن له لوهو على طياره=طبح من البوينق ببراشوته

اليوم وش عنك من علوم ياسعود=ان كان ما عندك ترا العلم عندي
دوك المهبى عن له ناعم العود=لاما كحيل الطرف وده وودي
امشي وادوج بديرة الترف واعود=اروح له مسرع واعود مهدي
ياسعود ياوجدي على عيونه السود=من شانها ياسعود بيحت سدي