قالو ترا عبله وعنتر عشيقين=في وقت فيه الحب ماحد يذمه
سجل بها التاريخ قصه للأثنين=يقرونها العشاق واللي تهمه
وياما على سلم الهواء والمحبين=رعو بهمهم فالقصيبا وحمه
ومن دارها في عبس تسرح عن البين=تمشي ويمشي بهمها في متمه
وخلت مواشيها على منبع العين=وطلعت على غار يجي العبد يمه
وساق الجمل لهله وجاها ورا الضين=ماغيرها عبله تنسيه همه
وتزوجت عامر وذبيان راضين=وعنتر بها الاولى وهي بنت عمه
امر على الاثنين مقضي كما الدين=وسبحانه اللي لا قضا شي اتمه

مهره وبنت حصان من نسل جلمود=سلايله فالسوق غاليت الاسعار
يقفز مع الغاره تقل قفز بارود=وتجفل بنات امهار لاحولها دار
وبنته على رسله وحنا لها شهود=تفرق بلون اصفر مثل شعلة النار
تبي لها فارس محنك ونمرود=ينحر عصاة القوم لاعنز غبار
وان جرهدت ماردها ضلع وحيود=تاطا عسير الارض وتسر الانظار
تسبح سوات الريح من دون مجهود=تشبه حرار الطير للصيد لاغار

البارحه جتني تسوق القدم نوف=الله يبلا الوقت ماكثر صدوفه
جلس لها عن لذة اللنوم صادوف=وقامت تراسلني ونفسي ولوفه
وبغيت اطنش وانسحب مير مكشوف=قرت تغاريدي وحرفي تطوفه
واخاف تال الليل لاشفت نفنوف=تلعب على عقلي بليا مروفه
واخون حي مسكنه داخل الجوف=وابيعها من دون ذنب وحسوفه
وقامت تلف ايمين ويسار وتحوف=وتطلب نكلم كان مابه كلوفه
وتكتب لي الارقام وتسجل حروف=وتقول مابه حي يشنا ضيوفه
قلت ان قلبي من له اسنين متلوف=الحب يفرح به ويرجع يعوفه
وانا رجل ماني هلامه وسفسوف=اكذب واقول احب وارجع نكوفه
دونك ولد عامر له لسان شفشوف=محلا تغاريده ومحلا وصوفه
لوكان من كثر المحبين مكروف=ماشوش ارساله وبازت بلوفه
اخبر معه عشره وعشرين وولوف=شهم وجري ماقد شكالي ضروفه
وده يسوي في هذا الوقت معروف=وقلبه بليد ولا لقي شي يخوفه
وقالت ترا وجهي محمر ومكسوف=اخجلتني والقلب خطر/ن وقوفه
وانا ترا جيت اختبر فيك واشوف=ان كان اثر قلبك كثيره طيوفه
ومرسوله من اللي على قلبك تروف=اللي قبل مده تلاوي كفوفه
اضبط لك الموعد وارتب بلاخوف=واخذك في جنبي بلبسي تشوفه
واحذر تعلمها بما صار من زوف=مغير مقلب ماحسبتك تطوفه
وحذر تكلمها ترا فيه ملقوف=ورقمي معك لاصار نفسك شغوفه