وجيناك يا ناصر وعذرا على التاخير=وعذري سمين ولا دخل فيه جاهيه
انا طالب مواظب واحب السفر والطير=واحب الفتاه اللي بعد نارها حيه
وجيتك وهم شايله اكبر من النير=وعسى الله يكون بعوننا يا الهوواويه

هلا مرحبا ترحيبةٍ طعمها جا غير=طعم سكري وخلاص شقرا وبرحيه
عسى فالك الممتاز لاسجل التقدير=وتزوج بعد فرح التخرج عطاويه
وبعدها كبير الهم يصبح سهل واصغير=ولاعاد تمشي مع دروب الهواويه

يامرحبابك يوم مريت الديار من الصميم=لكن ركبك الحق ياغشام وابرك للحساب
عان العمامه والعقال مسنده مسناد غيم=لربعك اللي فالزمان الاولي تشعا الركاب
اثرك ياغشام سموك ابه يوم انك غشيم=تمر اخوك ولو نشدت يقال لك ماصك باب
اما الخطوط اللي على الجدران مكتوبه قديم=وشلون لو انك بمشوارك تمشى بالهضاب
وفيروز واللي مثلها من صوتهن سمعي سليم=ولاست مصر ولا سميره بنت توفيق وعتاب
كفر عن ذنوبك ليا عودت من يم القصيم=حتى نقول استغفر المذنب من ذنوبه وتاب

وش فيك تنخى الناس ياطير حوران=وانته بحزات الهدد ينتخابه
الطير لاضاقت كفخ له بجنحان=ولاحل ضيمٍ بالوطا ما رضى به
يالطير يازولٍ لقيته مسيان=هوذاك والا هو لزوله يشابه
ما اغواه لكني تعديت عجلان=عليه حرده بس ما اعرف ثيابه