يطري عليّ من الطواري طواري=واحيان تاخذني عن العالم بعيد
لولأ وجودك في سماي وصحاري=والله مثني سابقي يااتلع الجيد
لخلي الديره واهلها لغاري=وارتاح من شيءٍ يجيب المناقيد
لابارك الله في سباع الغداري=اقلوبها تعبأ لنا ملعنة سيد
عوج السنتها مثل حد الشباري=مير الوكاد اني على نايف الحيد
خليتها تذري عليها الذواري=وعانقت سلم الطيبين الاجاويد

ياملهمة هجس المغنين الابيات=ويامعكرٍ نومي ليا اغفيت طيفك
ويامن ليا عنت على البال ما ابات=ويامقلبتني بين بردك وصيفك
اما اقتليني في تغليك بسكات=والا على عزام شكيت حيفك
للحب شرع وللكراهيه آيات=وكتاب تعليمات يرغم اونيفك
مبني على أُطر مستديمه واساسات=والعاب بان كي مون ماهو بكيفك
يغضي عن كبار الدول والولايات=وعلى العرب يالمعتدي سل سيفك
ما اخترتي الا نهج هالعلج بالذات=وتجربين سياسته مع وليفك

حتى الصدر لابغيت اون به كنه=ماتطلع الآااااه الا طالعه روحي
ياعين وكريةٍ في عالية قنه=شاهق وما قدمها من حزم مبروحي
قلبي على شوفتك(يقرع كما الشنه)=مقلق وهايم ومتغربل ومجروحي
متى متى صار حتى الهرج به منه=وقبل شهر حلقك من الحكي مبحوحي
ارمي على اذنه كليماتٍ ايمشنه=تدرين به/فيك لا يبصر ولا يوحي