تمثال الغرام ~!

05-06-2015, 07:27 PM

ارشيفيه .. قديمه ب الحيل

عسى ان تنال على اعجابكم ..

هنـا قابلـت تمثـال الغـرام وعطـره الـفـوّاح
هنا قابلت تمثـال الغيـاب اللـي بـرى روحـي

هنا كـان السـلام يعـمّ يـوم ان الهـوى يجتـاح
هنـا عانيـت بجروح(ن)قديمـه عيّـت تـروحـي

هنا كان الكلام بخاطر(ن) يضحـك وهـو مـزّاح
هنا خاطـر حبيبـك منكسّـر ويعانـي جروحـي

هنا كان الشعور بسلوته والضيـق عنـه انـزاح
هنا ضاقت عليه ارضه وهو ف ارضه ومذبوحي

هنا كان القصيد وكان للمعنـى معـك مسـراح
هنـا شابـت قوافـي والمعانـي عيّـت تبوحـي

هنا كان الوصال وكان صـدري بالهنـى مرتـاح
هنا كمّل مشاوير التعـب مـن غيـر مصلوحـي

هنا كان المكـان وكـان للضيقـه معـك مفتـاح
هنا دربي وقف وقفة شجاع سيوفـه تشوحـي

هنا كانت رياح الصيـف تلعـب بالغـرام وطـاح
هنا ماعـاد باقـي لـه معالـم صـار مطروحـي

هنا كانـت بدايـة عشقنـا يـوم الهـوى فضّـاح
هنا صـارت نهايـة عشقنـا والتهبـت جروحـي