بعض الأوآدم .. !~

02-05-2015, 06:08 AM

ارشيفيه ..

عسى ان تحوز على رضاكم ...

ي الله باسمائك الحسنى ياذو المنه
ندعيك ياربنا المعبود سبحانه ..

نطلبك برضاك والغفران والجنه ..
يامن تعالى على الاكوان في شانه ..

تشيل ضيق الصدور اللي شواهنه ..
صدري من العام تحرق فيه نيرانه ..

صبرت له والصبر مافيه يمكنه ..
حدا خيارين والثالث بلا خانه ..

اما يروح العمر ويموت مع ظنه ..
والا يعيش الحياه بنبض شريانه ..

بعض الاوادم بفكره يجهل السنه ..
معاكس دربها قلبه ونيشانـه ..

طمايع ابليس للخيبه يشيلنه ..
يزيد بالمعصيه والعين عميانه ..

يغتاب يكذب منافق لو ضحك سنه ..
اعروق صدره تراها ذنوب رويانـه ..

يقذف ويستسغر العالم يظن انه ..
يعرف خفايا البشر .. من ماضي ازمانه

من قل دينه .. يبا ذنوبه يسوقنه ..
ال واحد" يخلص الديان .. ديانه ..

يبي يحاسب .. على اللي قد بدر منه ..
ب اعماله اللي عملها شوفة اعيانه ..

تمت .. وانا طالبك ياربي الجنه ..
ي المعطي المانع الرزاق سبحانه ..

02-05-2015, 09:28 AM

سبحانه

الله عليك ياسامي
جزله وممتعه بمعنى الكلمه
صح لسانك واعتلا شانك يالجزل
مروري يسبقه اعجابي
وتقييمي

02-05-2015, 10:15 AM

صح السانك ....سامي الغنامي
قصيدة توشحت بالحكمة وبها موعضه ونصح
اجدت في بناءك واختيار معانيك كل الشكر على جمال مانثرت

دام تبضك

02-05-2015, 11:44 AM

صح الله لسانك ياسامي
ابدعت وامتعت بهذه الفاخر الجزله
دمت ودام ابداعك ورقي حرفك الفاخر
تقديري لسموك
النجلاء

02-05-2015, 03:49 PM

سامي الغنامي

صح لسانك وعلا شانك
رائع هو بووحك ابدعت في نسج كلماتك
وسحرتنا بابداع حرووفك
كلمات في قمة الابداع والجمال
مرووري وتقديري لرووحك

02-05-2015, 07:09 PM

صح لسانك شاعرنا
قصيده رائعه وجزله استمتعت بتواجدي بمتصفحك
دمت بود وتقدير

02-05-2015, 10:56 PM

صح لسانك ياسامي على هذه الهادفه الشامخه

من قل دينه .. يبا بذنوبه يسوقنه ..

رائع جدا ولاعدمنا ابداعك

02-05-2015, 11:37 PM

مرحبا بكم جميع ..

نورتو الموضوع ..

:

صحت الابدان جعلني مافقدكم ..
واشكركم كل الشكر جميع ..

والله لايهينكم .. كلكم شرفتوا

عبدالله بن طلال .. ابيض وجه على التنبيه

وهذا خطأ املائي من الكتابه طال عمرك ..

والصحيح هو ..

من قل دينه يبا ذنوبه يسوقنه

لاهنتوا