ماكل عشاق الهوى فيهم قلوب

13-10-2014, 11:17 PM

رديت قلبي عن غرامك ولا تاب = ما لاق له غيرك من الناس محبوب

وابديت له لمفارقك كل الأسباب = فيك الجفاف بوصل واحساس واسلوب

واخترت له غيرك من الناس أحباب = فيهم كمال ورهف أحاسيس وقلوب

لكن لقيت الناس في قلبي اغراب = كل المزايا فيك في غيرك عيوب

يالوعتي دام الرجا ما بعد خاب = مد الخطا قرب ترى الوقت محسوب

صدك خجل وإلا أنت خايف ومرتاب = وإلا تمنع عقب ما صرت مرغوب؟

مليت أشوفك طيف ما بين الأهداب = وأنت يكبر حبك عن العين محجوب

واخلق لك اعذار الوفا وأنت كذاب = منك الزمن دايم عل اللوم مصلوب

من كثر ماجي موعدك واحسب حساب = للخاتمة وارجع وأنا منك مغلوب

أصبحت أنا وياموا عيدك أصحاب = حتى عرفتني وجوه ونجوم ودروب

بيدك قلبي ما تهنا ولا طاب = ماتبت من غدرك وأنا منك ماتوب

يالوعتي دام الأمل ما بعد غاب = كفر بوصلك ما مضى لك من ذنوب

مد الخطاوي لموعدك وافتح الباب = ترى اللقا ما بين الأحباب مطلوب

واعرف ترى وأن صار غيري لك أحباب = ماكل عشاق الهوى فيهم قلوب

الشــاعــر الكبيــر:فالــح محمــد الهاجري