يالله المعبود ياخالقن كونه=ياغفور اغفر ذنوبي ونسياني
للشريف القاف مرسل ومضمونه=اشتكي من قايد الريم عناني
قال في برج العرب حجز تلقونه=اسكنوبه ياعطارد على شاني
في جناحن حطو الورد بركونه=وعطروه بعود من غال الاثماني
وعند باب البرج بي ام مركونه=وافتحو له بابهامامعه ثاني
وكل من بالبهو فزو يحيونه=مانظر فيهم وجاني وحياني
ثم تغنج وابتسم داعج عيونه=وانبهرت وعادتي مسكت عناني
ياابو فايز ثغرها بان مكنونه=والعرب صارو من الثغر عمياني
ثم طلب مني طلب سهل ياهونه=اتغزل به واحطه بقيفاني
مادرى اني ناذرن نذر ماخونه=الوحيد اللي بقلبي وهناني
للكحيله وحدها الشعر ولحونه=لو سكنا خيمتن بين بدواني
وبالختام اعطر الشعر وشجونه=بالصلاه اللي على نسل عدناني

فهم العتيبى
صح الله لسااااانك قصيدة جزلة ولاهى غريبة عليك
كفيت ووفيت يابن الاجواد
ولاهنت ولاهان رااسك

مادرى اني ناذرن نذر ماخونـه = الوحيـد اللـي بقلبـي وهنانـي
للكحيله وحدها الشعر ولحونـه = لو سكنا خيمتـن بيـن بدوانـي
وبالختام اعطر الشعر وشجونـه = بالصلاه اللي على نسل عدنانـي