هرج القفى ماهزني ياصاحبي = لو نقنق النقنوق يزري بالنعيق
قدري كبير وبالمعزه شاح بي = ماأنزل لنقنوق بسواليفه وأويق

إن جيت أبكتب لقيتك حرف يكتبني = وأمنت أنا إني من الأعماق غشاشك
مدري ولع يوم أحسك نبض يسكبني = ولا أن طبعك تطبع فيه من عاشك

تستلذك عين يطرب بك خفوق = وينكتب بك شعر من زينك يزين
ويرتشف من مبسمك شاعر يذوق = حلو ريق ينتشي به كل حين
ذاك أنا يالفتنه وكلي شفوق = أفتخرك بعشق وأرويك بحنين

دام أنت أنا هالبيت من قلب هاويك= كتبته بدمي ولك فيه أماره
كل يوم في عمرك بعمري بخاويك =وكل يوم في عمري بدونك خساره

حاولت أخفف في غرامي تعاطيك = لقيتني في نشوتك دايم أطلب
ياآلذ لذه والطعم حلو طاريك = أغلب بشر بس الحلا فيك ماأغلب