شعوري كان تسأل فـي غيابـك=شعور الشوووق واللهفه شعوري
تَحَسْب القلـب دالـه مادرابـك=وربي في عشاي وفي فطـوري
إذا ما الشوق والهاجوس جابـك=أنا من بيت أبوي أجيـك ازوري

يالحمام الزاجل انقللي رسالـه=يااااافديتك يالحمام انقل خبرها
خذ قصيدي لا وصلته عند بيته=ذكره ببيات شعري وانذكرهـا
وإنشد أبياتي على صوتك بلحنٍ=مثل نغمات الوتر يطرب سمرها

سحابٍ علينا..كن شوف القنوف..اجبال=يسر النظـر شوفـة قْنوفه..مزابيـري
عسى الوالي اللي كوّنه..يرسلـه همّـال=علـى دار شيخٍٍ..مَدهـلٍٍ للمناعـيـري
وتْسيل المزاارع..وأسمع اللي يسر الحال=عن عْلومهم لامـن لفونـا المساييـري

مانخيتك من عطاني إيـاك ربـي يالقصيـد=غير ماترمي الشماغ..ءوتقول ارقي سنـود
ياونيسـي ياجليسي..تـرى دربـي بعـيـد=أسرج خيولك..سرينا ولا تخشـى الرْقـود
لاتهاب ءمن المسافه..ولا الدرب الجديـد=مع بـراد الليل..لوطـال يقصـر مايـزود
وأنت عبّر عن شعوري..وأنا أفعل ماتريـد=واخذني لو فـي خيالك..مـعَ ذيـك النفـود
أخـذنـي فــرّج هْمومي..ولوماتستفـيـد=تكسب أجري..لاتغـرّك سواليـف الحسـود
أخذني لو صار دربي مـن أشواك..وجليـد=لا اهتوى قلبي..غدى الشوك في دربي ورود
أخذني واسترسل القاف..وارسـل عالبريـد=وانثر حْروفي كذا...مانبـي فيهـا قيـود!!
خلها تسـري مـع الليل..والخاطـر سعيـد=عـلّ قلبـي ينتعش..لوتعديـت الْـحـدود

عزي لمن مثلي عْيونه سهيـره=والكل يسهر بس أنا سهرتي غير
ياسعد منهو راضيٍ في مصيـره=مرتاح من كثر العنـا والتفاكيـر
ماشاله الهاجوس في كـل ديـره=عايش حياته داله البال وبْخيـر
يالله عسى في كل الاحوال خيره=عطفك ولطفك ياحسين التدابيـر
(عيني بصيره بس يدّي قصيره)=وهذا المثل له في حياتي تعابيـر

أنا اللي في حروفي والمعاني من سـواد الليـل=واجامل والخفايا في صميـم القلـب مستـوره
وأنا اللي كل ماهب الهـوى زوّد علـي الكيـل=ولاطفني وقال بهمس صوت الحزن! معـذوره
وأنا اللي لاتهيض خاطري جتك القصايد سيـل=يحوّل بالحجر..حتى الشجر ويقشّـع جْـذورهـ
أنا اللي من قوافيها يطيـب الكيـف والتعليـل=ورود الفل والجوري على القيفـان منثـورهـ
أنا اللي حطها الله شاعره..هذا عـذاب الحيـل=الا ياليتنـي شاعر..يعبّـر صـادق شْـعـوره
أنا اللي ودي أكتب..بس أخاف القال واهل القيل=أخاف اللي على التحريف مفتونه ومسعـورهـ

هيضتني ياعناي أمس العصر قمريه=حركت كل المشاعر واوقدت نيرانـي
ليتها تسمع صداي وتحْفـظ القافيّـه=وتنقل لمحبوب قلبي لهفة الوجدانـي
توصل النيل وُتَغَنّا من صداي اشويّه=ياعسى بالماريوت يسمع جديد ألحاني

الليل لامـن سـرى كنّـه ينادينـي=وأنا مع الليل لي ديـره وعنوانـي
أبعثر حْروف وجداني على ايدينـي=في ظلمته سرّ في تجديـد الالحانـي
مدري وش اللي على ذالوقت حاديني=مدري عشان المسـا والا علشانـي
وان جيت بقصر حشا ماعاد يمديني=سرت حْروفي مع العتمـه تحدانـي