ياصاحبي جرح الزمن صار معتـاد=الموت جرحك مقدر اقـول عـادي
لجله مسبب داخلـي هـم وسهـاد=وانا على وصلك من سنين بـادي
ما فيني اتحمل عنا الوقـت وبعـاد=معاد اطيـق الليـل لوكـان هـادي
غديـت انـا ويـاك للهم ميـعـاد=من سبتك عشـت الالـم يـاودادي
جروحك اللي بيحـت قـدم وجـداد=ماتنتهي دايـم جروحـك جـدادي
ودي اقول إن الوفاء سلم الاجـواد=وإن المحبة ريعهـا ريـح كـادي
وإن الموده ماتجي حـرب وعنـاد=د رب القسا والهجر منها حيـادي
وأنا على وصلك مـن سنيـن وراد=لجل الوفاء والشوق بسرج جوادي
مغير اجر الصوت والصوت مافـاد=ورقب رجوعك من على البعد شادي
والعين فيها من عنا الوقـت وقـاد=دمعٍ غزيـر ولا هتنـت بالرقـادي
اقرب وقرب ياعسى الوصل ينعـاد=ياغاية الداعي وصـوت المنـادي
انا صبرت سنين راضـي ومنقـاد=لابحت مكنوني ولا الصبـر فـادي
لو المحبـة بيننـا حـرب وجهـاد=بجيك عاني لـو يقولـون غـادي
ياصاحبي شفت الزمن كيف جحـاد=وده يوردنـا العنـاء والبـعـادي