اخوانى واخواتى


شعراء شبكة رواسى الادبيه

لدينا هنا في رواسى كوكبة كبيرة من المبدعين والمبدعات يحملون مخزون هائل من الفكر
والأدب ... شعراً ونثراً يطلقون وبشكل يومي تقريباً العديد من الأصوات ذات الطابع الإبداعي الجميل من خلال تغاريد بلابلية ذات أصوات ساحرة وشجية وأحياناً تأخذ طابع الحزن المغلف بنبرة كبرياء عمالقة الشعر والأدب فتلك الأصواتهم التي تنطلق من تلك الحناجر الذهبية تستحق أن تجد لها صدى لدى كل من يدرك القيمة الحقيقية للأدب وأهله
نسعد بقراءة بعضنا
وتهجي حروفنا لتخرج الجمل صوت يشعل الفضا ويملا المدى صدى


الصوت والصدى

مساحه للجميع

لنسمع ونعيش مع بعضنا هذه الاحاسيس والمشاعر



من شروط الصوت والصدى


- ان تكون من نظم الشاعر وغير منقولة
- ان تكون بنفس الوزن والقافية
- الباب مفتوح لاعداد الابيات اقلها بيت واحد
- الصوت والصدى بنفس عدد الابيات
- يحق للشاعر ان يطرح مايرغب من صوت وينتظر الصدى ليطرح الاخر


أتمنى ان ينال الموضوع على اعجابكم
واول مشاركة لى




الصوت

ياسامع الصوت رد الصوت بلحونه=القلب ضايق وكثر الهجس دكنـه
عسى الصدى لا لفانى ينثر مزونه=يروي خفوق ٍ ظروف البعد هدنـه

انا بنت ناسٍ نظرتي طول عمري فوق=و عن مايهين النفس تمنعني اخلاقـي
اقدّر جميع الناس و اعرض عن المطفوق=و احافظ على سلم النقا و اترك الباقي
لكن لاسمعت القاف يجذبني الطـاروق=احس البيوت الراقيه تسكن اعماقـي

الاصيله بيض الله وجهك موضوع يستحق التثبيت والمجاراه
شاكر لك وجودك ومجهودك ياراعية الابل

الصدى

سمعت صوت يهز القلب وركونه=اخاف بعض البيوت ان جن يخطنه
العام يابنت عد البدو يردونه= واليوم ماجوه حتى ابلاهب الكنه
مدري رحل عن قطين البدو بضعونه= ولا الليال الطويله عنه حدنه

الصوت

يامن يوديلي جديد المراسيل= للي صبرت وضاق صبري عليه
اقفا وسبت صدته قال والقيل= ونا حرام مانطقت الخطيه
نكفون ياهاك الرجال المشاكيل= يالي بكم من لا يخلي خويه

محمد الروقي& الاصيلة
صح صح لسنتكم واصواتكم الجذابة
اسمحولي بالمرور الصامت لاروي ضماية من قراح وعذب اصواتكم
كل الشكر للاخت الاصيلة ع هذا الموضوع الرائع والمميز
الف شكر لمن اضفى ع هذا الموضوع من صوت جميل
دمتم بود
واحلى فايف ستار لكم ياشعار رواسي

الصدى

ياهل اللحون وبادعين التماثيل=يامجاوبين الورق في سامريه
سهارة الجوزاءوسراحة سهيل=حماية الوضحى بنجد العـذيه
مايفزعون الا بشلف ومصاقيل=يـومٍ تـغـذا لـه بـنـات العـبـيـه








صوت



أدخل ولدري ويش أبا وأطلع ولدري وين أروح=الصدر ضايق والسهر عيف عيوني نومها
أضحك وأجامل واخفي العبره ونازفت الجروح=واصبر على سود الليال وراضيٍ مقسومها

موضوع ..جميل ..ورائع ..وفييه تنافس ..وتمررين للشعراء ..
شكرا اختي .:الاصيله ..وسلمت اناملك ..

تقبلي مروري ..

الصدى

لايتعبك جرحك ولا للـنـأس في سرك تبوح=دام اللـيـأل السود هلّت للعباد علومها
مادام عنّـدك يـأمحمد صبر ولسـانك فصوح=ارقى الجبال النايفات وكل جزله رومها

الصوت

اطعنتني بنت الاجواد ف الجرح القديم =واتركتني للمقادير والحظ الرديّ
مانويت فراقها مير والله العظيم =للظروف احكام والحظ ماهو في يديّ

الصدى


لا تطالع وخر دامك على النهج السليم=خــل عيــنٍ للثــريــا وعيـــنٍ للجدي
احتزم بالصــبر دامـك على الدنيا مقيم=ماتحوش الا نصيبك مشي ولا عدي









الصوت


أنـا أكـره الدمعـه علـى خـد الصـغيـر=لــو هي على لعبه يبا يلعبها
وش عاد لو فرقاء عشيرٍ عن عشير=هذي صعيبه قد بلشت بطبها

الصدى



لا لاتفكر يَ محمد دام لك عقلٍ بصير
......لاتوقد شموع التعاطف ف الحشى وتشبّها


لابد دورات الليالي تنبه لك ضمير
.........مافيه واحد سالمٍ منها( يبي يتعبّهآآ )




الصوت



انتهيت وكل شيٍ راح ...من عقب الوداع
ليه تترك واحدٍ حاضنك عن حر السموم


:

ليه تتعب على دربك... كريمين الطباع
حسبك الله كل وقت وكل حين وكل يوم