موضوع جميل بحق كل الشكر شاعرتنا الاصيله
لي عودة بأذن الله دمت ودام احساسك اجمل تحيه

لاصرت في صحتك والحال مستور = يغنيك عن بعض الرفاقه رفاقه
منتب على طرد المقفين مجبور = أما الوصل وإلا بلاش العلاقه

أشكر كل من شارك بالموضوع ونطمح بالمزيد لاهنتم ..



صوت جديد

يامل عين ٍ جزاها النوم واعياها = تبكى على طارى الفرقا ومنصابه
تبكى على صاحب ٍ مرخص لها ماها = اواه ماكثر دموع موادع احبابه

انا بنت ناسٍ نظرتي طول عمري فوق=و عن مايهين النفس تمنعني اخلاقـي
اقدّر جميع الناس و اعرض عن المطفوق=و احافظ على سلم النقا و اترك الباقي
لكن لاسمعت القاف يجذبني الطـاروق=احس البيوت الراقيه تسكن اعماقـي

صــــدي

العين لــو تبكي على كثر ما جاهااا
والقلب لو كثرت همومه فتح بابه
كان البكي ياصاحبي مبطي أعماهااا
والقلب من زود العنا فاقد صوابه

صـــــوت يبحث عن صدااااا


يـــا صـــاح بحكي واسمع اللي بقوله

والقـــول لوحـــه والمعاني دلايـــل
المرجله ياصاح ماهي فحــــوله

المـــرجله اخــــلاق قبل الفضـــايل

صدى ..!

كل رجلٍ للعلا .. يشـعب ذلوله
في دروب الطيب ..مافيها ذلايل


والمراجل ماتهيّى ـآ في سهوله
مايجيها الا من عيآل الحمـآيل


:

صوت

:


لولاك ياشعري تنفس عن الضيق
يمدي كنيني بيّح الوقت سـدّه

:
ارقى على روس الجبال الشواهيق
وأرخي سبوق الهم بيدي وأهدّه

الصدى

كم ليلةٍ غنّـيت عدّة طوأريق =بيني وبين الحزن حب ومودّه
ماتّل قلبي من صميم المعاليق= الا حبيبٍ طال عنّي مصدّه

الصوت

اول اللــيل في صدري كلام = واخر اللــيل ماعندي عذر
كيف انام وخفوقي ماينام؟= مـابقى لي من الضيقه صدر

الصدى

الهواوي يبي وصل سلام
والليالي واضحه فيها غدر
لاتصدق وتلحقني ملام
الصبر زين للي مقتدر

الصوت

الشعر صوت احساس والعقل زينـه=والعقل روح الشعر لاجابه احسـاس
عن ساقط الهرجـه نـروم الثمينـه=وعلى حسب هالناس !! أنعامل الناس