والله ان البعد للرجـل والسـاري شقـى=ووالله انـه مايبـذك ولا يبحـث خفـاك

غير عون(ن) للمقابيـل لحتجـت اتقـى=ترقبـه قـدام عينـك ل والله انـه وراك

ان لقا مبدا المطاليـق عـود مـا رقـى=وان جرحه الوقت واحتار في دعواه جاك

ان عطيتـه مابقـى وان تركتـه مالقـى=مثل ضحضاح(ن) يغرك ولا يقطع ضماك

والبلا ان الدخل محدود والنفـس محقـى=والخطا ان الزود راعيه منو(ن) بالهـلاك

مالقيت اجمل والا الذ مـن حـب النقـى=ولا لقيت احر واشر مـن ظلـم اقربـاك

وفرق رح ولا تعود وفـرق الـى القـى=مثل فرق الله يضـرك وفـرق الله معـاك

يارفيق الدرب شفنـي فـدوك الاصدقـى=قبل لا تستغبر ارضك ولا تـرزم سمـاك

الوجيه اللي تغـرك مـن الكـذب بهقـى=والعيون اللي تخـزك تعايـن وش وراك

واحد(ن) يسمل بيوته عشانـك وانتقـى=لك من البيض النوادر ماياصل مستـواك

شرهة الطيب على هقوته لا مـن هقـى=وانت ماصريت زادك ولا عجمـت مـاك

الحقيقة كانـت ارحـب وحيـه والبقـى=في السانك غير من عقب مدري وش بلاك

ياخذيت امن المشاريـه والشـك رفقـى=او وصلنا مرحلة حـد فـض الاشتبـاك

وانت بصرك لكن الرجـل لاياتـي وقـى=لضعوف اللي تغرك وهي تسحـن ادواك

جعلك انت ووالدينك مـن النـار عتقـى=ودي انك تستمع صوت عقلـك لا نهـاك

ان بغيت اتعود عـود واليبـك ملتقـى=وان بغيت اتروح روح وعين الله تـراك

لكن ابو حيـد يرمـي وراسـه بالتقـى=لو تبي ذنب(ن) من ذنوب عمره ماعطاك