عذرا على الغياب

وهذه الابيات عسى ان تشفع للغياب
:)

لا تحرق الاعصاب وتقول إن فـي دربـك ضبـاب=وانته تعيش بداخلي لو انـت فـي العلـم انتحيـت
حلّقت بي في جـوّك المشحـون بلقـاح السحـاب=وسبحت من فوق الغيـوم وجيـت يمـك مادريـت
و سلّمت و استسلمت كن الصدر لك صفحـة كتـاب=كـل المشاعـر لـك علـن والا لغيـرك مانويـت
و بسمة محياك اختفى معها مـن الشـوق العتـاب=والهمـس مـن بينـي وبينـك ماتطـرق للمبيـت
واصابعـي تخلخلـت بيـن الجـدايـل ماتـهـاب=وتلاطف الشعر الحرير اللـي علـى كفـي لويـت
عطني مجال اشرح لك اللي صار في طرد السـراب=و اخذ المجال بشرح ما تبغـاه دامـي مـا سريـت
قم واسقني من سلسبيل الحرف و اسهب في الخطاب=و إن كان يمنعك الخجل صـح الله لسانـك عليـت
ما تدري اني في الخيال ارقى على متون الصعـاب=وكم ارتويت من الخيال وفي الحقيقة ما ارتويـت ؟
و لو اعرف لشعر الغـزل فتحـت للعشـاق بـاب=لكن شيبي حدني , وان شفـت للشيـب استحيـت
و ارد نفسي لا تمادى بوصـف ناقشـة الخضـاب=ان جيت بوصف دار دار وشبر شبر وبيـت بيـت