آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
26-01-2011, 10:29 AM | #1 |
|
كبت الزمن
مساء / صباح
الخيرات والمسرآت اقدم هذه المتواضعه عسى ان تنآل اعجابكم ياذهين العقل لاحدك زمانك للغرابه =لايميل حجاج عينك والعجب دنيا غليله دست من ميلاتها دربٍ يهول من مشابه = لاوصلبي للمراد ولاكفاني شر ويله النصيب يصيب بس الصبر لايطوي زهابه=والزمن لاشفت وجهه مبتسم حاذر قليله إنشد المهموم عن كبت الزمن تلقى الاجابه= الليالي كم توريه العنا في كل ليله لاتغرك ضحكة المهموم ياوجه الكئابه= المرض وسط الحنايا موجعٍ مافيه حيله العمر وقع بنود الضيق والواقع عتابه= حدته دنيا عواقبها على الواحد قتيله المصايب دوم تقعد للبنادم عند بابه= تفطر القلب النظيف ولاتكبه في سبيله كيف لو تدري عن اللي شايبٍ بوّل شبابه=جار به وقته وحده للعذاب الله وكيله بين صدر وعجز بيت المشكله واقع عذابه= جوّد الصبر ورضى في قسمة النفس العليله السكوت أرحم من الشكوى ومقسومه رضابه= وش يبي في شرهة الجهال واذناب القبيله قفل ابوابه عن اللي لاسمع علمٍ حكابه = لين زاده حاقدٍ من طامن الهرج وهزيله الصدوق إن بان بين الناس جرد من ثيابه= والكذوب يصدر المجلس ولاغيره مثيله بس ما اسهل من كبير الذنب ياكود ارتكابه= والحقيقه مثل عين الشمس والواضح دليله ياضعيفين النفوس العمر مايسوى ذبابه= حين تشتد الكروب وتصهل الخيل الاصيله الردي فينا يبيع العمر مايحسب حسابه= قبل لاتدمع من طعون الزمن عين الكحيله يقلب الوقت الكئيب ولاحسبنا لنقلابه= كم قدحنا النار من بلواه في راس الفتيله الكلام اسهل ومضمون الفعل نوخ ركابه=لد عينك للغبن واحذر من الدمع وهميله تهتك الاعراض في غزة ولاحولك إجابه= والعرب لاهين وسيوف العدو حدب وصقيله نادت الاقصى بعال الصوت مافيه استجابه=ومن نشد عن مشنقة سيف العرب يوم الفشيله تسقط جهود التكاتف بين يعرب بالحرابه= والولى للغرب مضرب للتماثيل الجميله بس معدوم الثقه وثق مواثيق التشابه = بين قضبان الحديد وسطوت الغرب النبيله صادق التشبيه والمشبوه ماحوله رقابه= والذكي ياخذ مكاسيب الغبي لو هي قليله والدليل الاعجمي وسط العرب تنبح كلابه= إستحل وحل واحتال الوطن بهون وسيله ما درى عن مخلب الشيهان وانياب الذيابه= داخل اسوار الحكي في قاعه الذرب وعميله المهايط طبع لابان القشر يعلن ذهابه= والجبن عند العرب وجبه ولايوكل بديله النكد بين الضلوع العوج قلي ويش جابه = غير ذل الكافل المكفول من جردة كفيله رجح الكفات ياسيف الحكي يوم الخرابه= وكيل كان الحاصل المشهود مايعجبك كيله ورقع اطراف الحكي لن كان في راسك ذرابه= الحقايق مثبته قدام عينك يالهبيله الحزن بين الحنايا للفرح كشر بنابه = لاجزاك الله ياليلٍ سرابي للطويله ضاعت آمال التواصل بين خلي وإغترابه= آه لو تدري بتال الوقت وش قصة رحيله وضاعت آمال التفرق بين جرحي وإلتهابه= مثل مايثبت على كف الهوى خل وخليله الزمن عنى غرابيله على صوت الربابه= ينشد الالحان والا المستمع يا عزتيله البشر ياصاحبي كلٍ على قدره ثوابه = والحمول جبال والعالم تعدى المستحيله القصيده اطول ولاكن نكتفي .. والعذر منكم اخوكم علي معلي السلمي |
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الامارات والعيد الوطني ال 40 | النجلاء | الصحافه والاعلام | 4 | 03-12-2011 12:37 AM |
أخبار يوم الجمعه الموافق 6/5/1430هـ | السيــ عمهوج ـف | الصحافه والاعلام | 8 | 01-05-2009 04:29 PM |
أخبار يوم الخميس 8/3 | السيــ عمهوج ـف | الصحافه والاعلام | 14 | 09-03-2009 03:03 PM |
أخبار يوم الأربعاء الموافق 16 / 2 | السيــ عمهوج ـف | الصحافه والاعلام | 16 | 11-02-2009 01:53 PM |