بديت بااللي كل عسرٍ يحله = الله إلاه الكون للغيب علام


ارجيه يغفرلي ذنوبٍ مطله = ويجعل طريق الخيرقدام قدام


درب الهوى يابخت من لا يدله = عز الله انه مهتني طول الأيام


الزين يانورة خذيتيه كله = وش عاد خليتي لترفات الاقدام


فيك الجمال اليوسفي مالكه له = مالك حلي بالغرب والشرق والشام


باالعين الحورا والرموش المظله = من تنظرنه يعرض عن النوم مانام


الرمح والسيف المهند تسله = من نجلها عوق المحبين سلهام


يازين يااللي شعرك اشقر تفله = ياليت عرفك حاصلٍ لي من العام


تليت قلبي يا اريش العين تله = تل الونيت اليا تولاه ضرغام


بالصدر يانورة ثمانين عله = اول علل صدري دواكيك واحلام


وباقي العلل خليها مني ليا الله = تعيش في داخل فوادي باالاسلام


وصلوا على المبعوث امرً من الله = محمد شفيع الخلق هو خير الأنام

الاخوه الكرام / فايز ، ابن الباديه ، علي ،، شاكر ومقدر طيب الاشاده


الله لايهينكم


بارك الله فيكم وحفظكم الباري


الأشادة فخر ووسامٍ ثميني * من رجال الجود عالين المقامي


أو من الدانه محنيت اليديني * اخت والا أمٍ لها حلو الكلامي


أخوكم الباحث الشاعر


جازي العطاوي ( حاوي الطيب )