استغفر اللّــــَـه عن ذنب الهوى والغرام=يارب تغفر ذنوب القلب وتبيحها
جَـفّت غصون الحكي من زود نطق الكلام=والنفس ملّت مشاعرها وتصريحها
ورفعت للّـــــه كفّي واستهلّ الغمام=وْ وديان قلبي تعطّر بالنّفَل شِيحها
ياربّ تجعل كتابك لي دليل وْ إمام=وتجبر عزا النفس باللي زاد تجريحها
اللي خذاني لدرب العشق وارض الهيام=والنّفس قبله قريباتٍ مراويحها
جاني وانا مستصحّ وراح وآنا عظام=وفرقاه هبّت على دار الغلا ريحها
اقفى كذا بدون حتى مايردّ السلام=ياعلّ دربه خضر وهمومه يزيحها
ربٍّ ليا ضاق باالانسان صدره وشام=عن البشر عوّضه بالجنّه وريحها
توّي تنبّهت للّعبه وزدت افتهام=قلبي من اوّل غدا طفلْ بْمداريحها
واليوم ورْد المحبّه حول قلبي حيام=ترجع ضوامي ولو زادت تباريحها
جَـفّت غصون الحكي من زود نطق الكلام=والنفس ملّت مشاعرها وتصريحها
استغفر اللّــــَـه عن ذنب الهوى والغرام=يارب تغفر ذنوب القلب وتبيحها