وفي يوم الوداع..!!

رفقة ثلاث سنين راحت..
ذابت..
تلاشت مثل نجم غزاه الصبح ..
وأخفى سنا وهجه..
رفقة ثلاث سنين كانت..
كما رحله..
على متن السحاب..
تزيدنا بهجه..
وبيوم الوداع ..
كلاا بوسط العين له عبره..
بيخفيها عن الغير..
ويتصبر..
يقول أنه الأقوى ..
وأية قوه نتذكر..؟؟
وفي يوم الوداع..
افتش بوسط أشيائي..
أدور شي أهديه..
وأرجع أقلب بمحفظتي ..
وأقول المال له أفيد ..
بطريق السفر يغنيه..
وأعود وأتذكر ..
كلام الله له أجمل..
مصحف جيب نويت اهديه..
وفي يوم الوداع ..
تجمعنا كما ركب ..
نوى الهجره..
نوى الترحال..
وشدينا القلوب أكثر..
وهلينا الدموع أسراب..
ومن حولي صغار ..
عيونهم دمعها ينطق..
على ارض المطار ..
يزيدوا صراخ..
مانبي يوم الوداع..
مانبي يوم الوداع..
نبي ترجع..
ثلاث سنين تجدد..
كما كنا سوا نفرح..
ونتغنى ..
ولكن للأسف راحت..
رفقة ثلاث سنين راحت..
وصارت بيننا بحور ومواني..
وأنقطع حبل الأمل..
وانتهت باقي الأماني..
لاوطنا هو وطنهم..
ولاسمانا هي سماهم..
وحتى الغيم..
لامر وغسلنا..
يتلاشى وماوصلهم..
وأفترقنا..
ومابقى الا زوايا..
من رضاهم تفتقدهم..
وصوره سيبوها..
ذكرى يومهم
في فرحنا شاركونا..
ورقم جوال يتحسر..
على أرض أتروكها..
شهر شهرين ويتغير
أو أنه للزوال أقرب..
وكل اللي بقى يروح..
ويتبدل..
ويتبدل..
ويبقى ذكرهم مؤلم..
حد البكا..
حد التعب..
وعيون أطفالنا تسأل..؟؟
ليه السفر مذنب؟؟
ليه مابعده لقااا؟؟
مثله مثل أي مسافر حي يرجع..
وإن طول الوقت يرجع ..
دام في روحه حياه..
ليه مايرجع..؟
والدمع ينطق جواب..
لاوطنا هو وطنهم..
ولا أهلنا هم أهلهم..
وحتى الغيم..
أتذكر..
يومه غسلنا سوا ..
شفت الحنين بعيونهم..
وإبتسامات لوطنهم..
راحوا..
وأفترقنا ..وعيوننا في يوم الوداع
تهدي دمعات الوداع..
ولابقى شي..
مابقى شي..
:
:
أحلام رماديه

سلمتي وسلم بوحك

اصعب ماعلى القلوب هو الوداع

فلقد ابدعتي بنثر حروفك على عزف هذه الكلمه الوداع


تقديري احلام رماديه وعسى ان يكون وداعا للاحزان والجروح

سلمت يداك على هيك طرح

رائع

طرح في غايه الجمال

كلمات شامخه كشموخك

سلمت انماك

تقبلي مروري

ابدااااع
اشكرك اختي على الابيات الرائعه
دمتي بود ومحبه

احلام

من ابداع الى ابدع

اكثر من رائعه بكثر

تحياتي وودي

رااااااااائعه جدااا

يعطيك العافيه

تقبلي مروري

:

:

ابن الباديه..
عودتنا أنت تكون دائما في أول الركب..
والسباق لـ لقيا حروفنا..
أشكرك بعمق سيدي.. وأشكر حسن ضيافتك..
وحسن ردك سيد المكان..
تقديري وأكثر..!!

:

: